Сайхан шүлэг олвол чамдаа л уншуулмаар санагдаад …

Хайрт минь би чамтайгаа vргэлж цуг байгаа шvv
Хачин тунгалаг тэнгэрээс чамайгаа ширтэж
Vл vзэгдэх салхитай цуг хацрыг чинь илбэн
Vvрд чамтайгаа амьдрахсан гэж шивнэж суугаа шvv

Зуны vдшийн нартай цуг өвдгийг чинь дэрлэн
Зулзган хус шиг гоолиг бэлхvvсийг чинь энхрийлэн
Өөр хэн ч хvрээгvй цэвэр биеийг чинь vнэрлэн
Өврийн хангайн цэцэгс бvхэнтэй цуг өлмийд чинь сөгдөж байгаа шvv...
Хамгаас ариухан чамайгаа харахсан гэж
Ханагар дэлхийн уул бvхэнд би шингэсэн
Хасын тунгалаг царайг чинь vнсэхсэн гэж
Халгин урсах салхи бvхэнд би ууссан
Бие минь энд ч сэтгэл минь чамтайгаа цуг байгаа
Би өөрөө энд ч оюун бодол минь чиний дэргэд байгаа
Vдшийн бvрий, vvрийн гэгээ, өдрийн нар, шөнийн сарнаар ч
Vнэнчийн андгай болсон элэг зvрх минь чиний дэргэд байгаа
Амраг минь би чамтайгаа vргэлж цуг байгаа
Алсаас анивалзах тvмэн шаргал од миний нvд юм
Алаглан сугсрах хангайн ногоон өвс миний уруул юм
Алсад дvрэлзэх хээрийн тvvдэг миний бодол юм...
Аясхан хангайн сэвшээ шанхыг чинь илбэвэл намайг гэж бодоорой
Агтны төвөргөөн нойрыг чинь сэргээвэл шvлгийг минь гэж санаарай
Жаахан горхи хөлийг чинь норговол намайг л гэж баясаарай
Жавартай vvрээр дvрэлзэх төрсөн гэрийнхээ галыг зvрхийг минь гэж санаарай
Орчлонд ганцхан чамд л дурласан болохоор
Орчин тойрны чинь буй бvхэнд би нэгэн биеэ шингээсэн
Хээрийн борооноос нөмөрлөх гэж нутгийн чинь хад хясаанд цээжээ нэмэрлэсэн
Хурц наранд гандаахгvй гэхдээ тэнгэрийн vvлэнд элгээ зvvж явуулсан
Vргэлж би чамтайгаа хамт байхын тулд
Vйлт шөнийн саран болж тооноор чинь шагайсан
Vvргэлэх шөнийн зvvдийг чинь сарниахгvй гэж мананд ууссан
Хар даруулсан хий зэтгэр чамайг зовоох болов уу гэж
Хаяагий чинь манах нохдын хуцалтад дуугаа шингээсэн
Хайрт минь би чамтайгаа vргэлж цуг байгаа шvv
Хамтдаан амьдрах хvслээ илгээн дэргэд чинь суугаа шvv...

Д.Нямсүрэн

Сэрүүхэн салхи хацар илбэхэд дуртай

Сэвсгэрхэн цас алган дээр унахад дуртай

Сэм сэмхэн чамайг бодож инээмсэглэх дуртай

Сэтгэл хөдөлгөх юм бүхэнд дуртай

Сэрүүн мөртлөө зүүдлэн мөрөөдөх дуртай

Сэнгэнэтэл санаа алдан тайвшрах дуртай

Сэтгэл зүрх минь бүхэлдээ чинийх байхад дуртай

Сэтгэл хөдөлгөх юм бүхэнд дуртай

Сэрвэн эрвэн уулсын оройд гарах дуртай

Сэмжин цагаан үүлсээс зураглал олох дуртай

Сэм сэмхэн чамайг санаж гуних дуртай

Сэтгэл хөдөлгөх юм бүхэнд дуртай

Сэнгэнэсэн жаварыг сөрж алхах дуртай

Сэлүүхэн талдаа морьтой давхих дуртай

Сэтгэл зүрх минь үргэлж чинийх байхад дуртай

Чамдаа зориулав ...

Шуурга сөрөн морьтой давхих дуртай юм

Ботго буйлахад өрөвдөөд нулимс унагах мөртлөө

Бороо сөрөн цувгүй алхах дуртай юм

Жаахан чамайгаа санаж бэтгэрээд гуних мөртлөө

Жавар салхи сөрөн толгой өргөх дуртай юм

Зөөлөн хатуугийн хооронд аргамжаатай мөртлөө

Зүрх сэтгэл минь чамайг санах дуртай юм

Жаргалтай хайранд шингэсэн

Жаахан зүрхний минь

Жавартай үдшийн үглэл ийм байна ..

Ээмгээ тайлаа болов уу тэр минь

Энэ жил үзэгдээгүй жавар байх чинь

Ээдээ мөн чиг тачигнаж байна даа

Чихнийхээ омгийг хайрчихвийдээ тэр минь

Чимээгүйхэн зүрх зовиноод байх чинь

Чиний төлөө гэх сэтгэл дэнслээд байна даа

Хүйтрэх тусам зам улам гөлийнө дөө

Хүрэх замд нь хальтиргаа бага л таараасай бурхан минь

Хүний л дээд тэрнийг минь түшиж хайрлаарай тэнгэр минь

Харц нь хүртэл бүлээхэн

Халхын сайхан бүсгүйг

Хайрламаар

Хажууд нь насыг элээмээр

Хамаг бүхнээ зориулмаар

Ханьхан заяанд нь уусмаар